نشوى مصطفى عن مشاركتها في مسلسل امبراطورية ميم: تحويشة الـ١٠ سنين اللي مشتغلتش فيهم آخرها جبر كبير
نشوى مصطفى عن مشاركتها في مسلسل امبراطورية ميم: تحويشة الـ١٠ سنين اللي مشتغلتش فيهم آخرها جبر كبير
كتبت:- مريم تامر
كشفت الفنانة نشوى مصطفى عن سعادتها الكبيرة، وذلك بسبب عودتها للدراما بعد غياب طويل دام لمده 10 سنوات بعيداً عن الساحة تماماً .. وأشارت الى انها سوف تعود للتمثيل بمسلسل يدعى “إمبراطورية ميم”، وهو من بطولة الفنان خالد النبوي.
وكتبت نشوى مصطفى منشورا على أحد مواقع التواصل الاجتماعي “فيسبوك “، وقالت فيه: ” تحويشة العشر سنين اللي فاتت اللي مشتغلتش فيهم آخرها جبر كبير .. فرحانة إنى مخسرتش سنين عدت رغم قسوة إن الفنان مايمارسش فنه، بس الحقيقة ومعرفش هتصدقوني ولا لأ .. لما كان يتعرض عليا دور مش حاساه، كنت بعتذر، وأنا بتقطع بس كنت بقول حقي في المرحلة دي، واللي باقي من العمر إني استمتع وأنا بعمل فن”.
تعرف أيضًا على- إلهام شاهين تشيد بفيلم المعزة ضمن فعاليات مهرجان الجونة السينمائي
وأضافت أيضاً: ” إيه متعة أكبر من إنى باذن الله أكون واحدة من فريق عمل عظيم وراقي، نص محترم، إخراج واعي، إنتاج لشركة أعمالها ترند وخالد النبوي .. أقصد الخالد النبوي، خالد اسمه لازم يسبقه ألف ولام، بغض النظر عن حضوره اللي ربنا صارفهوله بزيادة، هو كمان ممثل هاند ميد .. ممثل يعلى اي ممثل يقف قدامه، ممثل هاوى بيذاكر وبيعيش وبيحس بمنتهى إجتهاد الممثل الهاوي، بمنتهى الاحترافية .. يا يا بختي حقيقي”.
وإختتمت نشوى مصطفى منشورها، وقالت: “بالمناسبة ده سادس عمل باذن الله أمثل فيه مع خالد، الشاطر يقول أسماء الأعمال اللي اشتغلت فيها مع خالد .. هقول اسم العمل الأول وكنا لسه طلبة فى المعهد، مسرحية البحر بيضحك ليه وللاسف متسجلتش .. كلى ثقة فى توفيق ربنا وكرمه باذن الله دعواتكم أكون عند حسن ظن حضراتكم”.
