مطرب المهرجانات علي قدورة يعلن إعتزاله الغناء
كتبت:- بسنت علي
نشر مطرب المهرجانات علي قدورة عبر مواقع التواصل الإجتماعي صوره له من الحرم المكي الشريف وأعلن خبر إعتزاله قائلاً: “السلام عليكم في يوم جمعة مبارك،انا علي عبد القادر السيد ، الشهير ب علي قدورة ،كنت مغني قبل النهاردة في حاجة حصلتلي مش عارف اية هي بس الحاجة دي هي الي بتخليني اتكلم دلوقتي “.
وأكمل: “انا بريء من كل عمل او مزيكا عملتها في حياتي و بعلن اعتزالي عن مجال الاغاني نهائياً و يارب سامحني عن اي حاجة انا عملتها في حياتي او اي حاجة صدرت مني و يارب قربني ليك و افتحلي باب رزق يرضيك”.
وأختتم حديثه: ” ومفيهاش حاجة لو بدأت من جديد في اي شغل بالحلال و اي فلوس معايا انا هسيبها بالرضي لأهلي و مش عارف هيبقي الصح اية و هبقي لا امتلك الا ” صفر ” وربنا يثبتني في الطريق دة و مش هطول عليكم بس دي نيتي و ربنا كريم و كبير و غفور رحيم”.
تعرف أيضاً علي – حورية فرغلي بالدموع تضامن مع الشعب الفلسطيني
وفي نفس السياق قام علي قدورة بحذف أغانيه من قناته الخاصة على منصة يوتيوب.
وقام حارس نادي الزمالك محمد صبحي بدعم علي قدورة في قرار إعتزاله قائلاً: “ربنا سيبتك يا أخويا”، وقام بدعمه المغني أحمد عبده حيث قال: “ربنا يتقبلك في الخير ويفتحلك كل طرق الخير ويهدينا جميعا”، كما شجعه المصور عمر خالد سماره قائلاً: “ربنا يثبتك يارب ياخويا ويكرمك في حياتك أنت تستاهل كل خير والله”.
وأيضًا قام بدعمه المصور نادر شحاته قائلاً: “ربنا يثبتك ويهديك ويغفر ليك ولينا”، وقامت البلوجر أسماء محمد بدعمه وقالت: “اللهم بارك”.
بالإضافة إلى تعليقات الجمهور التي تؤيد قرار إعتزال علي قدورة وهكذا جاءت التعليقات: اخترت الدنيا والآخرة الله يثبتك، نسأل الله أن يثبتك ويعفو عنك في كل ما مضي، من ترك شئ لله عوضه الله خيراً منه، أجمل حاجة شوفتها من فترة والله ربنا يثبتك ويرزقك بالحلال يارب.
