فيدرا عن مصلي السيدات: “بنتعامل معاملة مواطن درجة تانية”.
كتبت: إيمان حمام
انتقدت الفنان فيدرا المكان المخصص لمصلي السيدات بالمساجد مقارنة بمصلى الرجال.
حيث نشرت فيدرا فيديو علي حسابها بموقع انستجرام وقالت:
“انا عندي سؤال .. احنا طبعاً عارفين أن في الجامع الستات بتصلي بعيد عن الرجالة وأننا بنبقي منفصلين وكل حاجة”.
وتسألت:” ليه مصلي السيدات بيكون صغير ومكتوم ومتقفل بحواجز ومدخله جانبي زي ما يكون مدخل باب مطبخ، .. احنا ليه بنتعامل كدا، ليه كستات رايحين نصلي في الجامع بنتعامل معاملة المواطن درجة تانية؟ “.
وتابعت:” ليه المصلي بتاعنا ميبقاش يشرح، ميبقاش مدخله حلو وجميل زي مدخل الرجالة، .. ليها دا مش محقق للست، ليه انا كمسلمة داخلة أصلي اتعامل معاملة مواطن درجة تانية “.
وأختتمت حديثها:” تلاقي الرجالة عندهم براح مرعب، اه في رجاله أكثر بتروح تصلي صلاة الجمعة .. وكل الكلام دا أحنا عارفين بس اعملولنا حاجة أصغر لكن اعملوها حلوة، مدخلها محترم وحلو، .. مش مدخل علي جنب كأنهم ناس مش مهمة داخله تصلي، الست دي كائن مش مهم تدخل بقا من مدخل جانبي كدا، ليه مش فاهمة؟، اعملوا حساب للستات شوية مش هيجري حاجة لو عملتوا حاجة حلوة للستات وهى رايحة تصلي”.
تعرف أيضا علي – تحديات التعليم في الدول النامية
ويذكر أن فيدرا شاركت في الماراثون الرمضاني 2022، من خلال مسلسل إيجار قديم، إخراج طارق رفعت وبطولة صلاح عبدالله وشريف منير ومحمد الشرنوبي وفرح و ميمي جمال بالإضافة إلى عدد من الفنانين.
