ساره التونسي ترد علي تصريحات جمال العدل بعد هجومه عليها
ساره التونسي ترد علي تصريحات جمال العدل بعد هجومه عليها
كتبت:- بسنت صادق
صرح المنتج جمال العدل أثناء وجوده باستضافة المذيعة “أسما ابراهيم” في برنامج ” حبر سري ” المذاع على قناة القاهره والناس، حيث جاء سؤال للمنتج جمال العدل عن الأشخاص الذين تمردوا في شركه العدل جروب.
ورد العدل موضحًا: “مفيش حد اتمرد بس في ممثله تحضرنا ضايقتنا في التصوير ومشيتها، ممثله تونسيه مش فاكر اسمها ولو فاكر اسمها هقول، ضايقتنا جدا انا والمخرج والفنانة يسرا”.
وأضاف جمال قائلا: “وكانت ممثله شاطره جدا وعملت معانا مسلسل 100وش” .
وأكملت اسما حوارها بسؤاله قائلة: “ساره التونسي، ليجيب عليها قائلا: “يمكن، تأخير بالاربع ساعات وتيجي ومتحفظش، واتخانقت مع باسل خياط، وانا جن جنوني وابتدت تبقى بايخه مع زمايلها، قولتلها استحميلنا لأخر المسلسل ممكن احنا اللي بايخين انتي كدا اللي هتخسري قالتلي عندك حق وتاني يوم مجتش فامشيتها” .
وعلى الجانب الآخر نشرت “ساره التونسي ” على صفحتها الشخصية على ” فيسبوك” فيديو لجمال العدل وهو يتحدث عنها وقالت معلقة: “أستاذ جمال العدل ..أنا مكنتش عارفه إني مضايقه حضرتك اوي كده، خصوصًا بعد ما أنا كسبت القضية ضد شركة العدل جروب وحضرتك خسرت قضيتك ضدي”.
تعرف أيضاً علي – إسعاد يونس تستضيف انفلونسرز أحدثوا فارق في قضية فلسطين – أبرزهم زياد الحضري وفرح الكردي
وأضافت ساره قائلة: “بس يااه انت لسه فاكر ؟ ده عدى على الموضوع ده أكتر من سنتين وأنا والله نسيت الموضوع ( بس دي “والله” بجد مش زي بتاعتك) واشتغلت في بلدي وكسّرت الدنيا ولو عايزه أشتغل في مصر هشتغل. أصل مصر دي كبيرة أوي يعني أكبر من حضرتك ومن أي حد ولا ايه يا أستاذ جمال؟ مش انت إسمك كده برضه ؟ والله عيب على سنّك و تاريخك كمية الكذب الي انت كاذبها بخصوصي في اللقاء ده (بس مش تاريخك كله يعني)”.
وأكدت سارة التونسي أنها لديها منزل في مصر ولم تخرج منه حيث قالت: “وعلى فكرة أنا مطلعتش برة مصر! أنا عندي بيت في مصر بزوره كل شهر تقريبا وبختار أشتغل ايه ومشتغلش ايه وأنا اخترت أركز في تونس وعملت بطولة مسلسل تونسي كسّر الدنيا السنة الي فاتت و الإعلام العربي كلّه اتكلّم عنه ويمكن عشان كده حضرتك افتكرتني تاني فجأة ( ده لو كنت أصلا عرفت تنسى الدّرس) وإن شاء الله هيكسّر الدنيا في الجزء التاني السنه دي”.
ووجهت ساره رد ناري على المنتج جمال العدل حيث أنه خلال اللقاء قال إنه لم يتذكر اسمها حيث قالت: “كمان حركة إنك نسيت الإسم دي تقلّل منك مش مني، بلاش أقولك شكلك كان عامل ازاي وانت بتحلف إنك نسيت الإسم عملتها قبل كده في إعلام بلدي تونس واترد عليك رد عظيم من المذيعة التونسية الي كانت بتحاور حضرتك”.
تعرف أيضاً علي – تحدثت مع أعضاء بالكنيست الإسرائيلي – باسم يوسف بتصريح جديد
وأوضحت موقفها عندما رفضت أن تمضي عقد لمده 3 سنوات مع المنتج جمال العدل حيث قالت: “أنا أكبر من إني أشتغل أي عمل وخلاص عشان بس أقول أنا موجودة وده من زمان وانت عارف ده كويس واتكلمنا فيه لمّا حضرتك طلبت تقابلني في مكتبك عشان كنت عايز تمضي معايا عقد بـ٣ سنين بعد ما نجحت في دور شيرين في مسلسل “بـ١٠٠ وش” بأمارة ما قلتلي “أنا محتاج روح جديدة ودم جديد عشان الي عندي في الشركة كبروا خلاص” وقلت كلام تاني كتير عنهم في غيابهم.. ولا نسيت دي كمان ؟
و يومها أنا قلت لنفسي الي يتكلم كده عن ناس اشتغلوا معاه سنين، يخوّف ورفضت أمضي مع حضرتك العقد ده يا أستاذ يا الي ناسي إسمي “.
وأختتمت ردها قائله: “شكرا لكل متابعيني الي بعتولي الفيديو. أصلي أكيد مش متابعة و مفيش سبب يخليني أتابع حلقة بتستضيف شخص أنا أعرف عنه كتير بس اخترت أسكت ومطلعش في الإعلام وأخلي القضاء يقول كلمته وقالها الحمد لله، حضرتك ولا اتعظت من عقاب ربنا وقتها بإن كل استديوهات ومخازن العدل جروب اتحرقت ولا اتعظت من إنك خسرت القضية وأنا الي كسبت الحمد لله ولا اتعظت من الي بيحصل الأيام دي .. مش عارفه أقولك ايه والله وبصراحة ولا عندي وقت أقول أصلا كفايا عليك المشاكل الي حضرتك عاملها مع نص ممثلين مصر”.
والجدير بالذكر أنه نشر المؤلف ” محمد أمين ” عبر حسابه الشخصي على موقع ” فيسبوك” رساله موجهه للمنتج جمال العدل بخصوص نفس التصريح مع الإعلامية أسما شريف، حيث قال: “والله يا جمال يا عدل انا عايش و اقدر ارد عليك .. بس المشكلة ان ردي الحقيقي هيحرج ناس يخصوك شخصيا … واحراجهم يعز عليا أنا شخصيا .. فعلشان كده مش هرد … خصوصا يعني أن لا وقته ولا مجاله ..التفاهة دي”.
