كتبت :- مريم تامر
كشفت جهاد ماهر، زوجة مطرب المهرجانات الشهير عصام صاصا، أن زوجها لا يستطيع أن يظهر لجمهوره ويكشف تفاصيل دهسه لأحد الأشخاص بسبب الأذى النفسي الذي يعيشه، كما نفت الحكم عليه بسبع سنوات، موضحه ان نتيجة تحاليل المخدرات لم تظهر بعد.
وأكدت زوجة عصام صاصا أن لديها كافة الإثباتات والأدلة على أن الحادث قتل خطأ.
زوجة عصام صاصا: ممكن تبطلوا قرف عصام مخدش سبع سنين ومفيش حكم اصلا.
تعرف أيضاً علي..ميادة الحناوي تثير الجدل بظهورها المختلف
ونشرت جهاد ستوري لها عبر حسابها الشخصي على “فيسبوك”، وكتبت فيها: “جوزي تعبان وكل ما يجي يتكلم مع حد يفتكر الموقف ويعيط، مش لازم بقى يطلع يقول لكم شوفوني يا جماعة انا مكسور ازاي ومتدمر، وعيب اللي بتعملوه ده وربنا ما يحطكم في اللي هو فيه”.
وأضافت جهاد في حديثها أن زوجها لم يحكم عليه حتى الآن، قائلة: “ممكن تبطلوا قرف عصام مخدش سبع سنين ومفيش حكم اصلا”.
وتابعت: “بتقولوا عصام كان شارب ما اعرفش ايه ولحد دلوقتي نتيجة التحليل ما ظهرتش اصلا، وحاسة شويه وهتقولوا عليه ارهابي وسارق فلوس الناس، ولا عشان احنا مش بنرد فأنتم هتسوقوا فيها، وما تقلقوش هانت وكل واحد عامل فيلم ما يزعلش والحساب يجمع”.
تعرف أيضاً علي..أبرز المكرمين في مهرجان الفيمتو آرت الدولي خالد الصاوي وفتحي عبد الوهاب
ومن ناحية أخرى، كتبت جهاد أيضاً استوري متذكرة فيها محنة قد مرا بها، قالت: “مرة من ٤ سنين وقعنا في مشكلة كنت أنا وعصام لوحدنا عشنا أيام وحشة، ومحدش كام بينصحني، ولا حد كان واقف معانا بس بعدها لما صبرنا ربنا عوضنا عوض كبير قوي في الرزق”.
سبب القبض على عصام صاصا
والجدير بالذكر أن مطرب المهرجانات الشهير عصام صاصا قد تسبب في وفاة شخص يدعى أحمد مفتاح، يبلغ من العمر ٤٠ عام، وذلك بعد دهسه أعلى دائري المنيب يوم الاثنين الماضي، الموافق ٦ من شهر مايو الجاري، وبعد إخلاء سبيله بكفالة مالية، صدر حكم بالقبض عليه بعد ثبوت تعاطيه لبعض المخدرات.
