كتبت :- منار مصطفى
تفاصيل زواج جميلة عوض
حلت الفنانة جميلة عوض ضيفة في برنامج صاحبة السعادة تقديم الاعلامية والممثلة إسعاد يونس والذي يعرض على قناة Dmc
وكشفت من خلالها تفاصيل زواجها حيث قالت إنها كانت ترى أن موضوع الزواج هو موضوع مؤجل للأبد بالنسبة لها
وذلك بسبب الحديث السلبي الدائم عن الزواج و اخفاء الإيجابيات خوفا من الحسد
وتابعت ظهر أحمد حافظ فى حياتى والموضوع بدأ من عنده هو لأنه كان مسئول عن مونتاج أعمال أشارك فيها ولذلك أحبني في غرفة المونتاج لأنه شافنى في المشاهد وأنا مشفتوش
وأوضحت جميلة عوض ان احمد حافظ انه بدأ الإعجاب بها في فيلم هيبتا قائلة إعجاب أحمد بيا بدأ من وقت فيلم هيبتا وكنت وقتها صغيرة جدا مش اللى هو يعجب بيا وحتى شخصيتى كانت فتاة صغيرة وقتها سأل عليا أحد أصدقائه وقاله له دى صغيرة اوى وسيبك منها
ثم بدأ يحضر أحمد حافظ لها الهدايا من السفر وكانت بعض تلك الهدايا غريبة حيث قالت جميلة عوض أحمد حافظ كان يجيب لي هدايا كتير من السفر رغم العلاقة بينا لم تكن وصلت لهذه الدرجة، حتى الهدايا كانت غريبة فجاب لي مرة عريس وعروسة من اللى بيتم لصقه على الحائط
تعرف أيضاً علي..تعرف على زوج الفنانة بشرى وموعد الزفاف
حتى جاءت فترة كورونا وكان يعرض أحمد حافظ خروجه على جميلة عوض فكانت تطلب منه إحضار أصدقائهم وبالفعل كان يقوم بذلك
وتابعت :وقت كورونا ابتدى يكلمني على طول وانا ابتديت أحس بالتعليق وابتدى يقولي بحبك و إديني فرصة أكون موجود في حياتك وعادي لو مش عايزة إديني يومين وهنرجع أصحاب عادي
أما عن اعجابها باحمد حافظ قالت جميلة عوض : كان بيعدي وقت وأقول أكيد هيفيض مني ويقول مش قادر على موضوع الصداقة لكن لقيته موجود ومهتم بس في نفس الوقت رزين في نفسه ولما عدت سنة من غير ما يشتكي فعلا تعلقت بيه كصديق وبعدين لقيته بيتعامل معايا بنضج ومن غير ابتزاز وده حسسني بأمان جدا وبعد مرور سنة من صداقتنا القريبة تعلقت بيه اكتر عشان كان قريب مني و بجانبى في كل شيء وتعلقت به أكثر حتى ارتبطنا.
