تامر حسني يمدح الإعلامية “ياسمين عز” عبر إنستجرام
كتبت:- شهد خالد زكي
شكر المطرب تامر حسني الإعلامية ياسمين عز من خلال خاصية ستوري عبر موقع التواصل الاجتماعي “إنستجرام”، وذلك لدفاعها عن فيلمه الجديد “تاج” بعد تعرضه للهجوم.
وذلك من خلال الاستعانة بفيديو لياسمين عز تؤكد به أن تامر من أكثر الفنانين اجتهادًا، وأنه أفضل من المطرب العالمي “ترافس سكوت”، وعلق تامر على الفيديو قائلًا: ” زمن غريب والله بنلوم المجتهد اللي بيخرج وبيألف وسايبين ضعاف النفوس والكسلان، يكفيني شرفًا إن فيلم بحبك صاحب أعلى إيرادات في تاريخ السينما العربية دوليًا”.
وأضاف تامر: “فيلم تاج تم بيعه بنجم شباك ١ مش تجميعه نجوم ودي حاجة تحسب للفيلم وبعملها كل سنة، وكونه نوع جديد للسينما العربية يحسب للفيلم، الفيلم تم توزيعه عالميًا دي حاجات بتزعل بعض ضعاف النفوس، ولكن واقعها على الناس العقلاء جميل، اللي بيتمنوا الخير لابن بلدهم، اللي حاجة زي كده بتشجعهم إن مفيش مستحيل، ولا يمكن نبقي حافظين مش فاهمين”.
تعرف أيضاً علي – هاني عادل يروي تفاصيل مشاركتة في فيلم hidden strike بطولة جون سينا وجاكي شان
وأكمل تامر: “أحب أطمنك يا ياسمين إنه لا يصح إلا الصحيح، والجمهور ذكي جدًا ويمكن بسبب الحملات الساذجة الجمهور طلبه على الفيلم زاد، لأن الحملات زادت فضول الناس إنها تشوف الفيلم عشان تحكم بنفسها، ولما راحوا الفيلم عجبهم بدليل إيراداته الضخمة”.
وأضاف تامر: “لو جبت أهم الشركات في العالم عشان يقدموا فكرة بالذكاء ده عشان أعمل دعاية لفيلمي، مكنوش هيوصلوا لربع المفعول الإيجابي اللي عملوه اللجان المأجورة والحملات في إثارة فضول الناس إنها تشوف الفيلم، مفعولهم أقوى من الدعاية اللي بندفع فيها فلوس”.
وأختتم تامر حسني قائلًا: “بالمرة نشيل من على شركة الإنتاج باند الدعاية، لأنه مكلف أوي، ونسيبه علي المغيوظين هما يدفعوه، ربنا ما يقطعلهم عادة، أحب أفرحك أكتر يا ياسمين فيلمي اللي جاي تصويري، شكرًا لدفاعك عن الحق يا أحلى ياسمين”.
