تامر حسني يدعو أهل غزة بالصمود: ثقوا في الله
كتبت:- آية محمد
شارك الفنان تامر حسني بوست لدعوه أهل غزه وكل من يدعم القضية الفلسطينية إلى الصمود والمثابرة على الحق والثقة بالله، وذلك عبر حسابه الشخصى على موقع التواصل الاجتماعي “فيسبوك”.
حيث كتب قائلًا: “في الوقت ده ناس كتير إيمانها بربنا ممكن يتزعزع، ويقولوا طب ربنا فين مش هرد بالآيات والأحاديث عشان في ناس أحق مني يتكلموا بلغة الدين، بس انا هرد رد بسيط”.
وتابع: “انقت لو دخلت فیلم وجالك تليفون فا استعجلت ومشيت في ربعه الأول هل تقدر تحكم على نهاية الفيلم، أكيد لأ متحكمش على حاجه لسه مش خلصانه طب الدنيا لسه شغاله مخلصتش، متعرفش بكرة ربنا شايل أيه، متستعجلش وتحكم على الدنيا، وأنت لسه مشوفتش مرحلة النصر اللي ربنا وعد بيها في قرآنه متحكمش دلوقتي حكمك هيكون غلط أحنا لسه مكملناش الدنيا للآخر”.
تعرف أيضاً علي – ياسمين صبري تطوع في جمعية الهلال الأحمر من أجل غزة
كما وضح أيضًا أن الله “يمهل ولا يهمل” وأن الشهداء رحلوا إلى الجنة ذهبوا إلى دار الحق وابتعدو عن الدنيا المليئة بالشر والكره والحقد والظلم، وتابع: “لكن الناس دي راحت لحياه كلها حب وخیر وسلام، ولما في الآخره نشوف كل حد كانت حياته صعبه أزاي ربنا كافئه على صبره وتحمله من كل اللي شافه، وكرمه بنعيم الجنة هنقول ياريتنا كنا أحنا، الصبر يا جماعه والثقه في وعد ربنا، الدنيا دلوقتي وسكان الأرض انقسمت ۲، ناس إيمانهم راح وناس اتمسكوا بعقيدتهم، و دول أول ناس كسبوا معركة الدنيا”.
ثم أختتم: “ثقوا في كاتب الدنيا إنكم لازم هتسقفوا في النهايه من حلاوة نصره، وهو بينصر المظلوم بمعجزه من عنده تتحقق في الوقت المناسب، والله لازم يبقى معندناش شك نهائي في رحمته وفضله أكسبوا المعركة يا جماعة أوعوا إيمانكم بربنا يتهز أحنا كلنا عايشين في اختبار ولازم ننجح فيه، إن شاء الله هتشوفوا أكبر رد من ربنا كما وعد في قرآنه الكريم “ثقوا في الله”، إن وعد الله حق”.
وكان الفنان تامر حسني من الفنانين المدعمين للقضية الفلسطينية، حيث دعا جمهورة لتبرع إلى الهلال الأحمر المصرى من أجل أهل غزة.
والجدير باذكر أن آخر اعمال الفنان تامر حسني فيلم “تاج” الذى تم عرضه فى موسم عيد الأضحى الماضي، وشاركة فى البطولة، دينا الشربيني، هالة فاخر، عمرو عبد الجليل، ساندي، أحمد بدير، ليلى عز العرب، وعدد آخر من الفنانين وضيوف الشرف، والعمل قصة وسيناريو وحوار تامر حسني، إخراج سارة وفيق.
