بنبوس بعض كل يوم – تصريحات منى زكي في بودكاست big time
كتبت:- يوأنا ملاك
حلت منى زكي ضيفة في حلقة أمس من بودكاست big time، من تقديم الإعلامي عمرو أديب، وصرحت عن حياتها الشخصية، وعن حبها لأحمد حلمي.
أبرز تصريحات الفنانة منى زكي مع عمرو أديب في بودكاست big time:-
-أحمد حلمي داعم لي دائمًا، وهو أفضل راجل في العالم بعد بابا، ساعات بشوفه بتجيلي ضربات في القلب سريعة أوي، وكل ما أشوفه ببوسه، حتى وإحنا خارجين بنبوس بعض قبل ما نخرج وبعد ما نرجع، وده قدام أولادنا ليتعلموا الحب.
-أحمد لما بيشوف الجمهور بيشتمني بيقولي أنتي تعرفي مين اللي بيغلط فيكي، بقوله الناس، يقولي هما مش عارفينك ولا أنتي عارفاهم، ليه كلامهم يأثر فيكي.
-أكتر حاجة بتزعجني في أحمد هو النوم الكتير، بينام ١١ ساعة في اليوم، وقالي مرة أنا سمعت صوت عصفورة صحيت دقيقتين من ال١١ ساعة.
-فكرت أعتزل قبل مسلسل أفراح القبة، مشاركتش في أي عمل قبل المسلسل ده ب٣ أعوام، ولم يعجبني أي عمل معروض، وقتها قررت افتح مركز صحي، لكن المخرج محمد ياسين عرض عليّ المسلسل وفعلًا أنقذني، أنا بعتبر أفراح القبة هو أنجح أعمالي.
-تجربة الإنجاب بعد سن الأربعين صعبة جدًا، وخايفة معرفش أعيشلهم، وإيه المرحلة اللي هوصلها معاهم، ودايمًا بفكر أقدملهم كل اللي بيحتاجوه.
تعرف أيضًا على – أبرز تصريحات كهربا لـ حبر سري: صلاح اتظلم في المنتخب
-وعن أعمار وأسماء أولادها: عندنا عادل ده ابن الناس الكويسة بلطجي البيت كله بيخاف منه وردود فعله دايمًا غير متوقعة، سليم دكتور في نفسه عنده ٩ سنين حساس أوي وذوق كده.
-عن بدايتها، كانت كلها حظ مكنش عندي موهبة لكن كان في حظ، لكن الحظ مش بيستمر، اتعلمت أحافظ على كل حاجة واطور من نفسي، واتعامل مع كل تجربة كأنها التجربة الأولى.
أحمد حلمي تحدث عن خصامه مع منى زكي في بودكاست big time
فقال أثناء حواره مع عمرو أديب، أن في بداية الزواج كان الخصام يستمر من يوم إلي ثلاثة، لكنه رأى أن كل هذا بلا جدوى، ولا يجب أي خلاف يطول لهذه المدة.
