![](https://i0.wp.com/ymc-news.com/wp-content/uploads/2023/11/IMG_20231106_183612_186-jpg-e1699289399505.webp?resize=780%2C470&ssl=1)
إيمان العاصي تطالب بإخراج أطفال غزة
كتبت:- يوأنا ملاك
نشرت الفنانة إيمان العاصي منشورًا عبر حسابها على موقع التواصل الاجتماعي إنستجرام تدعو فيه إلي إخراج أطفال غزة والعفو عنهم.
وتضمن المنشور: “خرجوا الأطفال.. أرجوكم بس الأطفال.. ارحموهم والنبي… خرجوهم كلهم لينا أحنا طيب… أنتوا إزاي كده عقولكم وقلوبكم من ايه…. إزاي قادرين تماطلوا كده… إزاي قاعدين مستنين… أنتم إزاي بتناموا”.
تعرف أيضاً على – كنزي مدبولي تدافع عن محمد سلام
واستكملت: “عرب ايه وعروبة ايه وأديان ايه بس… الوضع مش وضع دبلوماسية… يا عالم أنتم مافيش فيكم رجا… الولاد محروقين وجعانين وعطشانين وخايفين.. عارفين يعني ايه جوع وعطش.. أرجوكم خرجوا الأطفال بس.. أرجوكم كفاية جبروت… عارفة أنكم مش مشاعركم هي اللي بتحرككم… وعارفة أنها حاجة تافهه عندكم… بس أرحموا صرخة الأطفال”.
![](https://i0.wp.com/ymc-news.com/wp-content/uploads/2023/11/IMG_20231106_183610_317-643x1024.webp?resize=643%2C1024&ssl=1)
ويُذكر أن الفنانة إيمان العاصي أعلنت منذ فترة عن توقف تحضيرات مسلسلها الجديد حب أفلاطوني وتأجيله لعام 2024م ليُعرض بعد موسم رمضان في موسم الأوف سيزون، وهو عبارة عن 15 حلقة من تأليف شريف الألفي، وإنتاج شركة ميديا هب.
أما عن آخر أعمالها فكان مسلسل جعفر العمدة الذي عُرض في موسم رمضان السابق 2023، وكان من بطولة محمد رمضان، هالة صدقي، عصام السقا، أحمد فهيم، زينة، مي كساب، منه فضالي، فريدة سيف النصر، جوري بكر، إيمان العاصي، إحسان الترك، أحمد عبدالله، منذر ريحانه، أحمد داش، سلوى عثمان، ومن تأليف مهاب طارق، ومن إخراج محمد سامي.