أحمد ثروت ردًا على متنمر: ” التنظير في المرض مؤلم لصاحب الاختبار”
كتبت: إيمان حمام
نشر المخرج أحمد ثروت نجل الفنان محمد ثروت منشورًا عبر حسابه الرسمي بموقع تبادل الصور والفيديوهات انستجرام، رد من خلاله على تعليق متابع له هاجمه على فيسبوك، حيث قال: ” أبوك طلع معاه فلوس أهو وبيعالجك كويس، أمال مش بيتبرع للبلد ليه؟”.
ليرد عليه أحمد ثروت: ” أستاذ سمسم مساء الفل، كل اللي عالبر عوام، التنظير في المرض مؤلم لصاحب الاختبار جدا وكل الي اقدر اقولهولك ربنا أن شاء الله ما يعرضك انت او اولادك أو والدك أو والدتك لمرض زي الي عندي”.
وأكمل: ” لو معاك فلوس الدنيا مش بتفيدك من غير رحمة ربنا عليك ودعوات الناس، انا معرفش حضرتك بس صدقني عمري ما أتمنى ليك دقيقة الم من الي بتعرضلها يوميا حتي لو معاك مال الدنيا وبتتبرع للبلد كل يوم، يومك جميل وربنا ما يكتبها عليك أن شاء الله ماتشوفش وحش في أي حد بتحبه في اختبار زي دا “.
وعلق أحمد ثروت قائلا: “ مشكلة السوشيال ميديا في بلدنا مالهاش ظابط ولا رابط، وفي وقتنا الحالي بعض الناس ماسكة الموبايلات بتكتب ما يحلو لها وتدي لنفسها حقوق وصلاحيات الثواب والعقاب والانتقاد والتنظير والحكم المطلق والصفات دي معظمها
صفات الخالق عز وجل”.
تعرف ايضاً علي..شقيقه سيلين ديون تثير القلق حول الحالة الصحية لشقيقتها
وتسائل ثروت إذا كان ذلك تنمر أم جهل، فأضاف ” يمكن عشان النهاردة أول مرة اتعرض لموقف زي دا حبيت أعرف رأيكم في دا هل هو تنمر ولا جهل ولا حد فاقد معني حياته وبيكتب كلمتين بيفرغ فيهم طاقته… كل دا مش مهم المهم أن ربنا كرمني بناس جميلة وحلوة أعرفها ومعرفهاش بشكر ربنا عليهم كل يوم كانوا السبب أن ربنا يبصلي ويستجيب لدعواتهم وابتدي اخف”.
و أصيب المخرج أحمد ثروت، بمتلازمة ميلر فيشر، وهو مرض مناعي نادر، أدي إلى فقده للحركة، مما دفعه للسفر إلى ألمانيا للعلاج، ولكن بعد 160 يوما من الصراع مع المرض أعلن بدء إستجابته للعلاج وقدرته على الوقوف على قدمه.
