أبرز تصريحات نجوى فؤاد بحبر سري: هتبرع بـ أعضائي .. وصرفت على يسرا 3 مليون
كتبت:- مريم تامر
حلت الفنانة نجوى فؤاد ضيفة ببرنامج “حبر سري”، التي تقدمه الإعلامية اسما إبراهيم، وتحدثت خلال هذا اللقاء عن تفاصيل حياتها الشخصية، ومشوارها الفني الطويل، وعلاقاتها بزملائها بالوسط الفني.
وصرحت نجوى فؤاد أنها ببعض التفاصيل التي تخص حياتها الشخصية، حيث قالت: “أنا بتمنى أروح لربنا وحيدة زي ما أنا، وأعيش حياة طبيعية مع ربنا، ومش عايزة يتعملي عزاء، الناس بتكون مشغولة بالتليفونات ومش حاسين بالحزن، وأنا مش عايزة ده لنفسي”.
وكشفت عن الذي سوف تكتبه في وصيتها، معلقة: “هكتب في وصيتي يتبرعوا بأعضائي، الجسد شيء فاني، ولما أتبرع بأعضائي هيكون عمل كويس ليا بعد ما أروح لربنا، ولازم نؤمن إن الحياة لها نهاية”.
وعلقت نجوى فؤاد أيضاً على سبب زواجها كم الفنان الراحل أحمد رمزي، قائلة: “السبب الخاص اللي اتزوجني أحمد رمزي عشانه إنه كان عنده زوجة بيحبها جدًا ومطلق مراته، وهو إنسان لأبعد الحدود..اتجوزت عرفي كتير، وزواجي من أحمد رمزي كإننا كلنا عشوة وخلاص”.
سبب الخلاف بين نجوى فؤاد ويسرا
وتطرقت في حديثها إلى سبب الخلاف بينهما وبين الفنانة يسرا: “أنا صارفة على يسرا 3 مليون جنيه في بدايتها، ونسيت حاجة اسمها نجوي فؤاد، وأنا قد كلامي ونص، ولما بتسمع أني مريضة أو بعيد عليها بـ فويس، ترد عليا تقولي وأنتي طيبة وإزي صحتك”.
وتابعت: “ومبتسألش عليا في تعبي..و يسرا جت وأدتني الـ 3 مليون جنيه اللي صرفتهم عليها مش هاخدهم، أنا
بحتاج لربنا مش بشر”.
تعرف أيضًا على – مسلم ينفصل عن خطيبته يارا بعد أسابيع من الخطوبة
نجوي فؤاد تكشف عن سبب ندمها
وصرحت نجوي فؤاد: “ندمت أني دخلت الوسط الفني وضحيت أن يكون في أسرة وأولاد وأحفاد، كان هيبقى عندي حاجات كتير أوي أغلى من دلوقتي”.
واضافت: “أنا مش ندمانة على مشاهدي الجريئة ووقتها كان سني يسمح لها، إحنا جيل خربشنا كتير علشان نبقى نجوم، وجيل دلوقتي مبيتعبش وبياخدوا 10 مليون وإحنا خدنا 10 ملاليم”.
