كتبت:- مريم تامر
مها الصغير تعلق على شائعات انفصالها
علقت الإعلامية مها الصغير على الشائعات التى انتشرت أثناء الساعات الماضية، التى تؤكد طلاقها من الفنان أحمد السقا، خاصةً بعد حديثها في الحلقة السابقة من برنامجها “الستات مايعرفوش يكدبوا” عن العلاقة الزوجية الصحية.
وقالت مها الصغير في حلقة يوم الاربعاء الماضي من البرنامج الذي تقدمه: “يوم الاربعاء ناقشت موضوع زي اي موضوع او مشكلة بناقشها بشكل يومي في البرنامج بالاتفاق مع الاعداد، واتكلمت عن العلاقة الصحية بين الازواج، في سيدات بتكون عايشة وخلاص واكيد في كتير مش كده، وكذلك في رجالة عايشة والسلام وقولت ان ده موضوع بنسلط عليه الضوء ولازم نشوفله حل”.
وأشارت مها الصغير إلى أن حديثها عن هذا الموضوع أخد عليها، وتوقع البعض أنها تتحدث عن تجربة شخصية وقد انفصلت عن زوجها الفنان أحمد السقا، موضحة: “اتاخد عليا الكلام وان في انفصال وفي ناس بتاخد حاجات من السوشيال بتفسرها غلط وعلى اهوائها، ومش معنى اني بتكلم ولا يناقش موضوع انى يعبر عن نفسي، يعني مثلا عندنا بكره موضوع عن أزمة منتصف العمر هل ده معناه اننا بنعانى من المشكلة دى؟، وكذلك عندنا موضوع عن المخلوعين والمخلوعات وده موجود في مجتمعنا وقضايا لازم نناقشها”.
مها الصغير: لا أحب أن تكون حياتى الخاصة على المشاع
وتابعت مها الصغير حديثها: “بلاش تاخدوا حاجات على لساني انا مقولتهاش، لام حياتى الخاصة لا أحب أن تكون للمشاع، لام في اولاد ممكن يتأذوا، ومش بس الموضوع ده لان في في حاجات قبل كده اتقالت زى مرض أحمد السقا”.
تعرف أيضًا على – الفنانة نسرين طافش تتألق في احتفالية عيد تحرير سينا
مها الصغير: بطلوا تريندات وهمية
واختتمت حديثها قائلة: “بلاش تتوقعوا انا لو عندى حاجة أقولها هقولها عادى، وده برنامج بطلوا تريندات وهمية على حساب حياة الناس، ومش انا فقط، اي حد بيتكلم على التليفزيون بيناقش قضية”.
