كنزي مدبولي تدافع عن محمد سلام
كتبت:- بسنت علي
نشرت البلوجر المصرية كنزي مدبولي عبر حسابها على منصة إنستجرام أستوري تدافع فيها عن الفنان المصري محمد سلام.
وقالت كنزي مدبولي: “بعد ما محمد سلام طلع واعتذر بمنتهى الأدب والإنسانية عن أدائه للمسرحية زي ما أي فنان كان بيعمل في الفترة الأخيرة منهم عمرو دياب وكاظم الساهر، محمد لا غلط في حد ولا زايد على حد هو برر السبب اللي خلاه مايروحش وده طبيعي واحد في مكانه أكيد كان متحمس يروح جداً لكن علشان عنده دم ماقدرش يهزر ويضحك في الظروف ديه”.
تعرف أيضاً علي – نور إيهاب: “إن هذه أمتكم أمة واحدة”
وأستكملت: “بيومي فؤاد اختار يروح وديه حريته الشخصية براحته، لكن مش حريته الشخصية يطلع ياخد لقطة على حساب زميله محمد سلام، زيه زي الصاحب اللي يستغلك ويصطاد في المياه العكرة علشان ياخد مصلحة على قفاك أو يبين أنه أحسن منك، لكن ربنا مش بيرضى بالظلم ووقع من عين الناس، بينما محمد سلام كبر أكثر وأكثر خصوصاً أنه قفل الكومنتات على البوستات اللي منزلها مع بيومي فؤاد لان الناس دخلوا عليها يشتموا بيومي فؤاد ولو حد غيره كان ساب الشتيمة وفرح فيه لكنه إنسان محترم وراقي وقفل الكومنتات.”
ويُذكر أن الفنان المصري محمد سلام أعتذر عن عرض مسرحية “زواج إصطناعي” والتي عُرضت في موسم الرياض، ولكن الفنان محمد سلام أعتذر عن المسرحية بسبب الأحداث الجارية في غزة.
