كتبت: سلام الحسين
كشفت الفنانة سلمى أبو ضيف خلال لقائها في برنامج “معكم” من تقديم الإعلامية منى الشاذلي عبر قناة” on”قائلة : بابا كان بيشتغل في الأقمشة كان تاجر قماش وكان دايما يشوف الخامة وعندي خلفية وكنت أروح المحل عنده زمان في الأزهر اشوف الأقمشة وأعيش وسط القماش.
الحب في حياة سلمى أبو ضيف
تحدثت سلمى أبو ضيف عن حياتها العاطفية قائلة: اكتشفت إني عشان أكون مع حد لازم أحبه مقدرش أجي على نفسي عشان أحبه في علاقات الواحد ممكن نحبه بعدين ومبقدرش أحبه.
وأضافت: أنا بحب اتدلق في الحب أنا بحب الحب والحب مفيهوش برستيج وتبقى علاقة سوية ولو أنا بحب حد بجي أقوله وممكن أبادر وأقول لحد إني بحبه وعملتها قبل كده وأنا كنت حاسة إنه بحبني وأنا بمشي ورا إحساسي.
سلمي أبو ضيف تتحدث عن تجربتها مع الغناء
سردت سلمى أبو ضيف تفاصيل تجربتها مع الغناء في فيلم “أنف وثلاث عيون” مع الفنان ظافر العابدين الذس عرض مؤخرا قائلة: أنا اتدربت حبة حلوين واستمتعت جدا بالتجربة ويوم التسجيل صوتي ضرب خالص ومينفعش نعمل كده في أستاذ عبد الحليم حافظ، والمخرج أمير رمسيس قبل العرض قالي هقولك حاجة بسمتزعليش أنا هغير صوتك عشان الناس متتريقش
تعرف أيضاً علي..بطلة إعلان دقوا الشماسي ملك الحسيني تحتفل بزفافها
وأضافت: بس في الفيلم مش صوتي ودلوقتي أنا واضحة وصريحة ولو حد قالي عايزني في حاجة فيها غنا وحابب نقعد نتدرب قبلها بشهور أنا تمام وهستمتع بالتجرية.
والجدير بالذكر أن آخر أعمال سلمى أبوضيف مسلسل “أعلى نسبة مشاهدة” وهو مسلسل مصري تدور أحداثه عن قصة حقيقية.
