الشيف هالة فهمي من أول ظهور لها بعد وفاة زوجها
كتبت: إيمان حمام
عادت الشيف هالة فهمي لتقديم برنامجها «ست الحبايب» المذاع عبر قناة «هي»، وذلك بعد غيابها ما يقرب من أسبوع بعد وفاة زوجها خلال الأيام الماضية بعد صراع مع المرض.
ونعت الشيف “هالة فهمي ” زوجها إيهاب بكلمات مؤثرة، فقالت :”إيهاب مكنش بس جوزي ولا عشرة عمري، لا دا كان أبويا واخويا وابني، انا اتجوزت إيهاب وانا عيلة صغيرة….، زي ما كتبتلكم وقولتلكم انا عشت معاه أكتر ما عشت في بيت ابويا “.
تعرف أيضاً على – معز مسعود يعلق بشأن أخبار انفصاله عن حلا شيحه
وتابعت أن حزنها عليه فاق حزنها عند وفاة والدها ووالدتها:” لما أبويا مات محستش بالاحساس اللي انا فيه دا، حتي لما أمي ماتت زعلت وحزنت لكن الزعل والحزن على أمي وعلى أبويا غير اللي أنا حاسة بيه دلوقتي”.
وأكملت باكية: ” انا الفترة اللي فاتت حاسة بمرار وحاسة أن لوحدي رغم كل أهلي وأهله وكل الناس اللي حواليا، أنا حاسة فعلاً أن أنا لوحدي، أول مرة أطلع حلقة وهو مش قاعد بيتفرج، كان عنده الساعة 12 دا معاد مقدس، حتى في فترة تعبه الأخيرة كان يشاورلهم يفتحوا التلفزيون، متعوده أول ما أخلص الحلقة أطلع أجري عليه وأقعد أتكلم معاه ونحكي واقوله عملت في الحلقة كذا وكذا، في الأيام الأخيرة كان سامعني بس مش مركز كنت برضو بقعد أحكي واقوله حصل وحصل “.
وأضافت فهمي :” كان ونيس عشر العمر حبيب العمر بجد، اه هو دلوقتي في مكان أحسن وأنه استريح من اللي كان فيه “. واختتمت حديثها بالدعاء له :” ربنا يجعل كل الألم اللي كان فيه وكل العذاب اللي كان فيه شفيع لي، ويجعله في ميزان حسناته… عشرة عمري “.
