كتبت: مريم تامر
تصريحات إلهام شاهين في حفل تكريمها
أعربت الفنانة إلهام شاهين عن سعادتها الكبيرة بتكريمها من الجمعية المصرية لكتاب ونقاد السينما، أثناء احتفالية عيدها الذهبي، مستنكرة أحداث مخيمات رفح.
وصرحت إلهام شاهين أثناء تكريمها اليوم من الجمعية المصرية لكتاب ونقاد السينما: “عمر الجمعية ومهرجان الإسكندرية ٥٠ سنة، أنا معاهم بقالي ٣٥ سنة تقريباً كل عمري الفني، انا عمري الفني ٤٠ سنة.. مهرجان الإسكندرية دايما يرثى قواعد جديدة، وهو أن الدور مش بطوله ولكن بقيمته.. انا خدت ٥ سنين وراء بعض باخد أحسن ممثلة في مهرجان الإسكندرية”.
وتابعت: “كل الشكر لهم وعايزة اقول اني مبسوطه اوى ان ده بيُقام على أرض أكاديمية الفنون اللي بعتز بها لأني خريجة تلك الأكاديمية، وفخورة بكل فنان اهتم ودرس، والفن بيعلمنا الإنسانية والخير والمحبة”.
تعرف أيضا علي..بمشاركة عدد من النجوم بيبسي تطلق حملاتها الدعائية بغناء عمرو دياب
تصريحات الهام شاهين بشأن غزة
وعلقت الفنانة إلهام شاهين على حادث مخيمات رفح، حيث قالت: “النهاردة المفروض اني مبسوطه اوي ولكن فرحتي ناقصة ومش عارفة افرح، ومنمتش من امبارح لما شوفت الاخبار مصدقتش اللى بيحصل، الحياة لازم تستمر ولكن جوانا ألم”.
واضافت: “ناس بيوتها بتتهد، وبنسمع صراخ يعصر يعصر القلب، شئ زاد عن حده، ورغم أن أغلب المجتمع الدولي مع فلسطين ودفاعهم عن أرضهم، واسرائيل بتقول انها تحارب الارهاب، اللي بيدافع عن بلده يكون ارهابي، انا لو حد قرب من مصر هنزل علشان بلدي، واللي يدافع عن بلده بيكون ارهابي، انا بعلن اني هكون إرهابية.
