كتبت:شاهندا سامي
مصطفى شوبير يخرج عن صمته ويبعد أصابع الإتهام عن والده في قضية أحمد رفعت
نشر اللاعب مصطفى أحمد شوبير من ساعات عبر موقع التواصل الإجتماعي “انستجرام” رد على ما وصفها بإتهامات بدون دليل، بشأن قضية اللاعب الراحل أحمد رفعت.
وعبر مصطفى شوبير عن غضبه قائلا : “إتهامات وخوض في ذمم بدون علم ولا أي دليل، انتم مفرقتوش عن إللي ظلم أحمد رفعت في حاجة ودلوقتي بتتهموا ناس ظلم بأذى شخص بدون دليل واحد حتى دي عايزينها تريند وزمالك وأهلي أخو اللاعب محمد رفعت طلع وقال اسألوا فلان وذکر اسم شخص بعينه”.
تعرف أيضا على – وزارة الشباب والرياضة تحقق في واقعة الفقيد أحمد رفعت
وفي سياق متصل أكمل مصطفى شوبير قائلا:”وكيل اللاعب أحمد رفعت كان قاعد وحصلت مواجهة بينه وبين الشخص إللى تم ذكر اسمه فين بقى اسم والدي أحمد شوبير في أى جملة مفيده؟ ولا وكيله ولا المحامي بتاعه ولا أخو اللاعب قال حاجة أو ذكر اسمه حتى زي ما المفبركين بيكتبوا التريند عمى الناس والإتهامات، أي حد بيكتب أي حاجة الناس للأسف بتصدقها وخلاص وياريت الناس اللي بتكتب ده درس لينا تبدأ بنفسها الأول ومتظلمش حد تاني باتهامات باطلة بدون أي دليل لأن كده بتكون انت أول واحد متعلمتش من إللي حصل وبتعيد الظلم بس بطريقة تانية استقيموا يرحمكم الله”
واختتم قائلا : “أخيرا ربنا يرحمك يا أحمد رفعت أكيد أنت في مكان أحسن لا تنسوه من صالح دعائكم…”وسيبكم من التريند كلنا لله راجعون”.
